жылу пеленгаторлық станция

(Теплопеленгаторная станция)

жылулық контраст энергиясын, яғни бақылауға алынған объектінің жобаланатын аясы мен объектінің жылулық сәулеленуінің айырмашылығын қолдану принципімен жұмыс істейтін қабылдағыш-күшейткіш қондырғы. Ж.п.с. сәулелі энергия (инфрақызыл сәулелер) тарататын объектілерді табуға, пеленгті және оған дейінгі қашықтықты анықтауға қолданылады. Ж.п.с. орнатылған жеріне және қолданылу мақсатына байланысты кемелік, жағалық, ұшақтық және зениттік болып бөлінеді. Ж.п.с-ның құрамына қабылдау айнасы, фокусында күшейткіш орналастырылған, сәулелі энергияны қабылдағыш; бұрылатын құрылғы; басқару пульті, сигнал индикаторлары және қоректендіру көздері кіреді. Ж.п.с. түнгі көру аспаптарының пассивті қатарына жатады. Оның көмегімен 35 км қашықтықтағы теңіз нысаналарын (су үсті кемелерін), жергілікті жердің бедеріне қарай 1—2 км қашықтықтағы танктер мен автомобильдерді пеленгтеуге болады.